Башҡортостанда коронавирустан үлем осраҡтары 65-кә етте

Республиканың Һаулыҡ һаҡлау министрлығы мәғлүмәттәре буйынса, пандемия башланғандан алып 12 096 кешелә диагноз раҫланды. Тәүлек эсендә – 115 осраҡ.

«Әүҙем» пациенттарҙың күпселеге өйҙә дауалана (648 кеше), стационарҙа – 321.

«30-ы – ауыр хәлдә, 7-һе – үпкәне яһалма елләтеү аппаратында. Бөтәһе 11062 кеше сығарылды. Коронавирустан бер үлем осрағы теркәлде. Шулай итеп, вафат булғандар һаны 65-кё етте», — тип белдерҙеләр министрлыҡта.

Билдәле булыуынса, һуңғы ҡорбан – Өфө районынан 67 йәшлек ир. Ул киҫкен панкреатиттан, өсөнсө стадиялағы гипертония ауырыуынан һәм башҡа сирҙәрҙән яфаланған.

Тәүлек эсендә 326 дауахананан тыш пневмония осрағы асыҡланды.

фото «Башинформ» мәғлүмәт агентлығы