Мәғлүмәттәрҙән күренеүенсә, 8557 ауырыу сирҙе еңгән. Ҡыҙғанысҡа ҡаршы, үткән тәүлектә тағы бер вирус ҡорбаны теркәлгән. Һәләк булғандарҙың һаны 42-гә етте. Эпидемиологик хәл ил буйынса көсөргәнешле. Һуңғы тәүлектә инфекцияны йоҡторған кешеләр һаны 10499 тәшкил итте, 107 ауырыу вафат булған. Бындай хәлде беҙ май айы урталарында күҙәткәйнек. Пандемия осоронда 1 215001 кешенең сиргә дусар булыуы билдәле. Сирҙең үҫеше август аҙағынан башланып, сентябрҙә лә дауам итте, көндәлек йоҡтороу осраҡтары ике тапҡырға артты. Илдә коронавирус инфекцияһы таралыу коэффициенты йәкшәмбелә 1,18-гә тиклем күтәрелгән. Был күрһәткес нимә тураһында һөйләй? Бер кеше үҙен изоляциялауға тиклем уртаса нисә кешене зарарлай ала - был һан шуны күрһәтә. Ошо күрһәткескә ҡарап, төбәк властары сикләү сараларын йомшарта, үҙгәртә ала. Тағы бер ҡат иҫкәртәбеҙ: һәр кем үҙен һәм яҡындарын һаҡларға, эпидемиологик ҡағиҙәләрҙе теүәл үтәргә тейеш. Алексей Вольховский фотоһы. Автор: Дина Арсланова https://bash.rbsmi.ru/articles/s-l-m-t-bulayy/Virus-orbandari-artti-482926/