Оло йәштәгеләргә хөрмәт йөҙөнән

Был уңайҙан һуғыш, тыл һәм хеҙмәт уҙамандарына махсус офталь­мология ярҙамы күрһәтеү маҡ­сатында Өфө күҙ ауырыуҙары фәнни-тик­ше­ренеү институты хеҙмәт­кәр­ҙәре Ҡырмыҫҡалы районы хаки­миәте менән берлектә акция башланы. Был акция сиктәрендә 85 йәштән өлкән­дәр бушлай хеҙмәтлән­дерелә - Өфө күҙ ауырыуҙары фәнни-тикшеренеү инс­ти­тутының табип-офтальмо­логтары һәм шәфҡәт ту­таш­­­тары заманса портатив ҡо­рол­малар файҙаланып, уларҙың күҙҙәрен өйҙәрендә тик­шерәсәк. Һуңынан институт белгес­тәре күҙ ауырыуҙарын дауалау һәм профилактикалау бу­йынса тәҡдимдәр менән консуль­тация бирә­ләр. Кәрәк булһа, па­циенттар сираттан тыш бушлай дауалау өсөн Өфө күҙ ауырыуҙары фәнни-тикше­ренеү институтына саҡырыла.
Әлеге ваҡытта Өфө күҙ ауырыу­ҙары фәнни-тикшеренеү институты бригадаһы Боҙаяҙ, Һәүәләй, Шай­моратов һәм Ефремкин ауыл билә­мәләрендә 40-тан артыҡ кешене тик­шерҙе. Артабан белгес­тәр Ҡабаҡ, Ҡа­мышлы, Ҡырмыҫҡалы, Нико­лаевка, Яңы Ҡыйышҡы, Под­луб, При­бель­ский, Сахай, Иҫке Бәпес ауыл би­ләмәләренә барырға план­лаштыра.
Барлыҡ тикшеренеүҙәр ҙә бушлай үткәрелә.
Юлиә Ғәлимова.