Иммунитетты нығытайыҡ

Биологик роле – организм­дың бөтә ғүмер буйына генетик бөтөнлөгөн һаҡлау. Иммуни­тет­тың бурысын уның күҙәнәк­тәре – макрофагтар үтәй. Был ҡандың аҡ күҙәнәктәре үҙҙә­ренең рецепторҙары ярҙа­мында “дошман” күҙәнәктәрен таный һәм улар менән көрәшә, шулай уҡ организмдан токсин­дарҙы, тарҡалған продукт­тарҙы сығара. Тап уның арҡаһында мат­дәләр алмашыныу процестары – метаболизм көйлө эшләй, ҡаты ауырыуҙарҙан һуң организм көсө тергеҙелә.

Эсәклек – бактериялар өсөн “ожмах”. Тикшеренеүҙәрҙән күренеүенсә, унда организмы­быҙҙағы микроорганизмдар менән әүҙем аралашыусы иммун күҙәнәктәренең 80 проценты урынлашҡан. Эсәк микро­фло­раһы бактериялары эсәк­лек­тең иммун системаһы күҙә­нәктә­ренең өлгөрөү һәм әү­ҙемләшеү процесында ҡат­наша һәм вирустарға ҡаршы тороусан­лығын көсәйтә. Ә иммунитетты нимә ҡаҡшата һуң?

Уның тотороҡлоғона йо­ғон­то яһаусы сәбәптәрҙең береһе – дөрөҫ туҡланмау арҡа­һында ашҡаҙан-эсәк юлы эшмәкәр­легенең боҙолоуы. Майлы һәм ыҫланған аҙыҡтарҙың ҡанды фильтрлаусы һәм токсиндарҙы сығарыусы бауырҙы эшлектән сығарыуы мөмкин. Тәмәке тартыу иммун системаһын ҡаҡша­тыуҙан тыш, шеш һәм онкологик процестарҙың үҫешенә бу­лышлыҡ итә. Физик көсөргәнеш һәм хәрәкәттең етешмәүе мат­дәләр алмашыу процесын тотҡарлай, ҡан әйләнешен аҡрынайта.

Ҡыҙғанысҡа ҡаршы, иммунитет һәр саҡта ла зарарлы кү­ҙәнәктәрҙе “таный” алмай, сөн­ки кинәт үҙгәргән (мутация) күҙәнәктәр иммун система­һы­ның һиҙгерлеген “йоҡомһората” һәм организмда яман шештәр үҫешенә килтерә. Хәҙерге заман медицинаһында иммун системаһын әүҙемләштереү өсөн сара бар – кешенең үҙ иммунитеты ҡеүәтен файҙа­ла­ныуға, яман шеш күҙәнәк­тәрен таныу өсөн шарттар тыу­ҙырыуға йүнәлтелгән ысул иммунотерапия тип атала. Был ысулдың нескәлектәрен аңла­тыуҙы табиптар ҡарамағына ҡалдырайыҡ. Ә беҙ үҙебеҙ иммунитетты күтәреү өсөн көн­дәлек тормошта нимә эшләй алабыҙ?

Әгәр ҙә һеҙ үҙегеҙҙә арыу-талсығыу тояһығыҙ, йыш ауы­рыйһығыҙ икән, тимәк, уйла­нырға урын бар. Сәләмәт тормош алып барыу – иң мөһиме. Баланслы туҡланыу, йәшелсә, емеш-еләк ашау, күберәк таҙа һыу эсеү, саф һауала йөрөү, физик эш менән шөғөлләнеү – бына иң төп ҡағиҙәләр. Һау­лығығыҙ торошона иғтибарлы булығыҙ, йылына бер тапҡыр булһа ла терапевҡа күренегеҙ.