Ауыр хәлдәгеләр өс тиҫтәнән ашыу

Республиканың Һаулыҡ һаҡлау министрлығы коронавирусҡа бәйле һуңғы мәғлүмәттәрҙе еткерҙе.

Башҡортостанда һуңғы тәүлектә тағы ла 35 кешелә COVID-19 вирусы асыҡланған, шуның менән сирлеләрҙең дөйөм һаны 6571-кә етте. Һауыҡҡандар – 4836 (һуңғы тәүлектә 4 кеше өҫтәлгән).

Вафат булғандарҙың дөйөм һаны – 22. Республика стационарҙарында – 201 (шул иҫәптән 35 кеше ауыр хәлдә, уларҙың 11-е үпкәне яһалма елләтеү аппаратына тоташтырылған), амбулатор шарттарҙа 1512 кеше дауалана.

Коронавирус инфекцияһы тарала башлағандан алып республика лабораторияларында 535 759 тикшереү үткәрелгән. Һуңғы тәүлектә – 7040.

Пневмония менән сирләгәндәр бер тәүлектә 113 кешегә артҡан, 85 кеше ошо сирҙән дауаланып, өйөнә ҡайтарылған.

Фото: ria.ru