Даирә
+12 °С
Ясна
Бөтә яңылыҡтар
Атайсал
28 Сентябрь 2023, 15:13

Акцияға ҡушылдыҡ!

Йәмле көҙҙөң үткән шәмбеһендә Ҡырмыҫҡалы ауылы халҡы республиканың “Йәшел Башҡортостан – 2023” эко­логик акцияһына ҡушылды.  

Акцияға ҡушылдыҡ!
Акцияға ҡушылдыҡ!

Быйыл ҡырмыҫҡалылар район үҙәгенә Киров урамы буй­лап ингән ерҙә 5000-дән ашыу ҡарағай үҫентеләре ултыртты. Был акцияла 200-ҙән ашыу районыбыҙ ойошмалары, учрежде­ниелары хеҙмәткәрҙәре әүҙемлек күрһәтте.

Акцияла ҡатнашыусыларҙы район хакимиәте башлығының төҙөлөш буйынса урынбаҫары Валерий Волик тәбрикләне. Сараның ҡунағы – Башҡортостан Республикаһының Ауыл ху­жалығы министры урынбаҫары Юрий Лысов та был акцияның әһәмиәтлеге хаҡында һөйләне һәм эшебеҙҙә уңыштар теләне.

Көрәк-биҙрәләребеҙҙе тотоп, район мәҙәниәт бүлеге әҙер­ләгән йыр-моңдарҙы тыңлап, дәррәү генә эшкә тотондоҡ һәм тиҙ арала ҡарағай үҫентеләрен ултыртып та бөттөк. Аҙаҡ күмәкләшеп йәш үҫентеләргә һыу һиптек һәм тәмле бутҡанан ауыҙ иттек.

Күмәкләшеп ағас ултыртыу – изге эш һанала. Был көндө ултыртҡан йәш үҫентеләр тиҙ арала тамыр алып, нығынып китерҙәр, тип ышанабыҙ. Бер нисә йылдан бында һулар һау­абыҙҙы таҙартыусы, ер-һыуыбыҙҙы һаҡлаусы йәшел ылыҫлы урман барлыҡҡа килер!

Автор:Розалия Назарова
Читайте нас: