Даирә
-1 °С
Ясна
Бөтә яңылыҡтар
Атайсал
7 Сентябрь 2023, 16:26

Үтәгәндәр үҙебеҙҙекеләрҙе ташламай!

Үтәгән ауылы халҡының “Айыҡ ауыл” проектына ҡушылырға ҡарар итеүҙәре хаҡында әйткәйнек инде. Әлеге көндә улар сәләмәт тормош алып барыуға йүнәлтелгән эштәрҙе дәррәү башлап та ебәрҙеләр.  

Үтәгәндәр үҙебеҙҙекеләрҙе ташламай!
Үтәгәндәр үҙебеҙҙекеләрҙе ташламай!

Үтәгәндәр үҙебеҙҙекеләрҙе ташламай!

Үтәгән ауылы халҡының “Айыҡ ауыл” проектына ҡушылырға ҡарар итеүҙәре хаҡында әйткәйнек инде. Әлеге көндә улар сәләмәт тормош алып барыуға йүнәлтелгән эштәрҙе дәррәү башлап та ебәрҙеләр.

 

Ошо көндәрҙә инициатив төркөм “Үҙебеҙҙекеләрҙе ташла­майбыҙ” федераль акцияһына ҡушылды. Ошоға тиклем улар был акция сиктәрендә махсус хәрби операцияла ҡатнашыусыларға үҙ ҡулдары менән әҙерләгән туҡ­мас һәм башҡа ярымфабрикаттар әҙерләп ебәрһә, әле ил һаҡсыла­рын ҡабаҡтан әҙерләнгән тәм- томдар менән ҡыуандырмаҡсы­лар. Үтәгәндәрҙең, хатта, үҙҙәре генә белгән үҙенсәлекле рецебы ла бар. Был ысул менән әҙерләнгән ҡайнатмалар оҙаҡ һаҡлана, тиҙәр улар.

Үтәгән ауылы халҡының был­тыр тәүге тапҡыр “Ҡабаҡфест” үт­кәреүҙәре тураһында ла беләһегеҙ. Был байрамдан һуң ҡабаҡ – брен­длы ризыҡҡа әүерелде. Беҙгә ты­ныс күк йөҙө тәьмин итеүселәрҙе лә ҡабаҡтан әҙерләнгән тәм­лекәстәр менән һыйламаҡсы үтә­гәндәр.

- Быйыл үтәсәк Ҡабаҡ байра­мы махсус хәрби операцияла ҡат­нашыусыларға арналасаҡ, - тип билдәләй ауыл старостаһы Дилара Ҡоҙайғолова.

Ошондай изге эштәр ауыл халҡын берҙәмләштерә һәм үҙҙәренә ниндәйҙер файҙалы шөғөл табырға ярҙам итә, сәләмәт тормош алып барыуға этәргес бу­лып тора. Үтәгәндәрҙең изге ниәт­тәрендә уңыштар ғына юлдаш булһын!

Рушания ХӘМӘТҒӘЛИМОВА.  

Автор:Розалия Назарова
Читайте нас: