Ҡайғылы хәбәр: Барый Ноғоманов вафат булған

Башҡорт Википедияһынан белешмә: Ноғоманов Борис Миңлеғәлим улы, Барый Ноғоманов (8 апрель 1936 йыл) — яҙыусы һәм журналист, 1979 йылдан СССР Яҙыусылар союзы ағзаһы. Башҡортостандың атҡаҙанған мәҙәниәт хеҙмәткәре (1991), И. Мырҙаҡаев-Балапанов (2004) һәм Фәтих Кәрим (2013) исемендәге премиялар лауреаты.
Барый Ноғомановтың балалар өсөн "Йылбабай һәм сәғәттәр", "Йылбабайҙың дүрт ҡыҙы", "Усаҡтар яна", өлкәндәр өсөн "Аҡ таңдарым", "Етегән йондоҙ", "Ерем йәме", "Минең яҙым", "Ҡыңғырауҙар" исемле китаптары донъя күрә. "Эҙең ҡалһын", "Өйөрмәле елдәр" тигән проза йыйынтыҡтары авторы.

Әҙәбиәт өлкәһендәге хеҙмәттәре өсөн Башҡортостан Республикаһының атҡаҙанған мәҙәниәт хеҙмәткәре тигән маҡтаулы исемгә лайыҡ була. 1979 йылдан Башҡортостан Яҙыусылар берлеге ағзаһы.