Улар музей экспонаттары менән танышты, иҫтәлеккә фотоға төштө. Сәй өҫтәле артында, хәтирәләре менән уртаҡлашты. Флизә Батыршина, Гөләмдәр Юлмөхәмәтова, Сәлимә Хөсәйеновалар яратҡан шағирҙарының шиғырҙарын һөйләп ишеттерҙе.
Музей мөдире Фәйрүзә Ҡотлобаева күпте кисергән әсәйҙәрҙе 8 март байрамы менән ҡотланы, ныҡлы һаулыҡ, именлек һәм күңел тынысылығы теләп, бүләктәр тапшырҙы.
Апай-инәйҙәр саранан Фәйрүзә Ҡадир ҡыҙына иғтибар күрһәткәне өсөн рәхмәт әйтеп, күңелдәре булып ҡайтты.
Ынйы Бикҡужина.