Бөгөн баш ҡалала күп балалы ғаиләләр ҡатнашлығында "Ғаилә ҡиммәттәре-2021" фестивале бара. Был сарала Мөкәй ауылынан Рушан һәм Гүзәл Мырҙағоловтар ғаиләһе ҡатнаша. Мырҙағоловтар - абруйлы, күркәм йәш ғаиләләрҙең береһе. Улар өс бала тәрбиәләйҙәр. "Программа бик йөкмәткеле. Оҫталыҡ дәрестәре, күргәҙмәләр, түңәрәк өҫтәл ойошторола. Ғаиләбеҙ менән был матур сарала ҡатнашыуыбыҙға бик шатбыҙ", - тип тәьҫораттары менән уртаҡлашты Гүзәл Вәхит ҡыҙы.