+30 °С
Облачно
Афарин!
1 Апреля 2021, 06:06
Өйөгөҙҙө йәмләргә теләһәгеҙ, “Розала” ательеһына рәхим итегеҙ
Ҡырмыҫҡалы район үҙәгендәге “Ихлас” сауҙа йортонда урынлашҡан “Розала” ательеһында һәр беребеҙҙең йортон биҙәп тороусы зауыҡ менән тегелгән аллы-гөллө ҡорғандарҙы һайлап алырға мөмкин. Уның хужабикәһе – Ҡырмыҫҡалы ауылынан Роза Мәмбәтова. Роза Сәлих ҡыҙы бынан 15 йыл элек, әле эшҡыуарлыҡ ныҡлап үҫешмәгән ваҡытта, универмаг бинаһында бер бүлмәне ҡуртымға алып, үҙ бизнесын асырға тәүәккәллек итә һәм ҡорғандар тегеү менән шөғөлләнә башлай.
Хәҙер инде ул – үҙ эшенең бар нескәлектәрен белгән тәжрибәле эшҡыуар. Ләкин ҡатынға аяғына ныҡлы баҫып киткәнсе, байтаҡ юл аша үтергә тура килә.
Роза Сәлих ҡыҙы Кучаева беҙҙең районға Ырымбур өлкәһенән килен булып төшә. Тормош иптәше Марат Йәүҙәт улының да тамырҙары Ырымбур яҡтарынан. Хәҙерге көндә ике яҡтың да туғандары Ҡырмыҫҡалыла төпләнеп эшләйҙәр һәм йәшәйҙәр.
Йәштәр өйләнешкәндән һуң кредитҡа иҫке генә йорто булған ер биләмәһен һатып ала. Һуңыраҡ ире Марат менән кәңәшләшкәндән һуң, үҙҙәренә бирелгән ер биләмәһен һатҡан аҡсаға универмаг бинаһында ҡуртымға бүлмә алып, өҫ кейемдәрен тегә һәм ремонтлай башлай. Бында уның Ырымбур өлкәһендәге 59-сы һөнәрселек училищеһында, ВТУ технология институтында иҡтисадсы, тегенсе курстарында алған белемдәренең кәрәге тейә. Артабан эшҡыуар ҡорғандар һәм селтәрҙәр алып ҡайтып һата башлай. Үҙе тегенсе лә, бухгалтер ҙа, һатыусы ла эштәрен башҡара.
- Тегеү эшенә әүәҫлегем өләсәйемдәрҙән киләлер, сөнки нәҫелебеҙҙә барыһы ла уҡытыусылар һәм башҡа һөнәр эйәләре. Мин бала саҡтан тегергә яраттым. Хатта, әсәйем иҫке пальтолар, костюмдарҙы үҙгәртеп тегергә рөхсәт бирмәгәнлектән, комиссион магазинға барып, моданан сыҡҡан кейемдәр һатып алып, боҙоп тегә инем. Сығарылыш кисәһенә тәүге костюмымды ла үҙем тегеп кейҙем, - тип көлөп иҫкә ала Роза Сәлих ҡыҙы .
Хәҙер инде ул “Ихлас” сауҙа йортонда ике бүлмәне ҡуртымға алып, эшен киңәйткән. Бер бүлмәһендә төрлө-төрлө сағыу ҡорғандар һәм селтәрҙәр һатһа, икенсе бүлмәлә ҡалған тауарҙарҙан әҙер аш-һыу бүлмәһе селтәрҙәре, ҡорғандар тегәләр, кейемдәрҙе ремонтлайҙар. Был эштә уға Светлана Мырҙабаева һәм Зөлфиә Хәсәнова ярҙам итә. Светлана Өлфәт ҡыҙы һатып алыусыларға селтәрҙәр һәм ҡорғандар һайлап алырға ярҙам итһә, Зөлфиә Вәсим ҡыҙы тегеү эше менән булыша.
“Заман алға киткән һайын беҙҙең эшмәкәрлектә лә яңы алымдар, яңы технологиялар барлыҡҡа килә. Уларҙы үҙ һөнәребеҙҙә ҡулланырға, клиенттарҙы яңынан-яңы өлгөләр менән ҡыуандырырға тырышабыҙ”, – тип ҡорғандар донъяһы менән таныштыра хужабикә.
Төрлө төҫтәге, төрлө туҡымаларҙан тегелгән күҙҙең яуын алырлыҡ ҡорғандар, селтәрҙәр араһынан һәр кем үҙ зауығына, финанс мөмкинлегенә тап килерлек, күңеленә оҡшағанын һайлап заказ бирә ала. Ательеның ассортименты бик бай – туҡымаларҙан тыш, ептәр, таҫмалар, төймәләр, ҡул эштәре менән шөғөлләнеүселәргә күп төрлө кәрәк-яраҡ, фурнитура һәм башҡалар бар.
- Туҡымаларҙы Чебоксарҙан, Мәскәүҙән “Эшлекле линия” транспорт компанияһы аша яҙҙырып алабыҙ. Килгән материалдарҙы Өфөнән барып алабыҙ, ә Һамар өлкәһенән тауарҙы үҙҙәре килтереп биреп китә.
Ҡайһы бер һатып алыусылар интернетта күргән селтәр йәиһә ҡорғандың фотоһүрәтен килтереп күрһәтә. Мин уларҙың һорауы буйынса заказ яһап, нәҡ шундай тауар алып ҡайтырға тырышам. Шәхси клиенттарҙан тыш, төрлө учреждение, ойошмалар менән дә хеҙмәттәшлек алып барабыҙ, - ти Роза Сәлих ҡыҙы.
“Розала” ательеһы йыш ҡына төрлө акциялар үткәреп тора. Шулай, 1 апрелдән 30 апрелгә тиклем барлыҡ тауарҙарға һәм әҙер изделиеларға 15 процент ташлама буласаҡ. Мөмкинлектән файҙаланып ҡалырға ашығығыҙ. Бында шулай уҡ теләгән әйбереңде банк ҡатнашлығынан башҡа бүлеп түләү юлы менән дә һатып алырға мөмкин.
Роза Сәлих ҡыҙы ғаиләһендә лә уңған хужабикә. Төҙөлөштә эшләгән тормош иптәше Марат Йәүҙәт улы менән кирбестән ҙур, иркен йорт һалалар. Улдары Салауат 6-сы класта уҡый, ҡыҙҙары Сафияға - 5 йәш.
“Үҙ эшеңде асыу өсөн иң элек теләк, ныҡышмалылыҡ, тәүәккәллек кәрәк. Бар нимәне атай-әсәйҙән, йәиһә дәүләттән көтөп ултырһаң, бер нимәгә лә ирешеп булмай.
Киләсәктә эшемде тағы ла киңәйтергә теләйем. Был ниәтебеҙ килеп сыҡһа, өҫтәлмә эш урындары ла буласаҡ”, - тине хушлашҡанда Роза Сәлих ҡыҙы.
Афарин, тиергә генә ҡала. Барлыҡ хыялдарығыҙ тормошҡа ашһын.
Һеҙҙе Ҡырмыҫҡалы ауылы “Ихлас” сауҙа йортонда көтөп ҡалабыҙ. Т.: 8-927-63-71-086.
Гөлсәсәк Аласова.
Роза ТАЖЕТДИНОВА фотолары.
Реклама хоҡуғында.
Роза Сәлих ҡыҙы Кучаева беҙҙең районға Ырымбур өлкәһенән килен булып төшә. Тормош иптәше Марат Йәүҙәт улының да тамырҙары Ырымбур яҡтарынан. Хәҙерге көндә ике яҡтың да туғандары Ҡырмыҫҡалыла төпләнеп эшләйҙәр һәм йәшәйҙәр.
Йәштәр өйләнешкәндән һуң кредитҡа иҫке генә йорто булған ер биләмәһен һатып ала. Һуңыраҡ ире Марат менән кәңәшләшкәндән һуң, үҙҙәренә бирелгән ер биләмәһен һатҡан аҡсаға универмаг бинаһында ҡуртымға бүлмә алып, өҫ кейемдәрен тегә һәм ремонтлай башлай. Бында уның Ырымбур өлкәһендәге 59-сы һөнәрселек училищеһында, ВТУ технология институтында иҡтисадсы, тегенсе курстарында алған белемдәренең кәрәге тейә. Артабан эшҡыуар ҡорғандар һәм селтәрҙәр алып ҡайтып һата башлай. Үҙе тегенсе лә, бухгалтер ҙа, һатыусы ла эштәрен башҡара.
- Тегеү эшенә әүәҫлегем өләсәйемдәрҙән киләлер, сөнки нәҫелебеҙҙә барыһы ла уҡытыусылар һәм башҡа һөнәр эйәләре. Мин бала саҡтан тегергә яраттым. Хатта, әсәйем иҫке пальтолар, костюмдарҙы үҙгәртеп тегергә рөхсәт бирмәгәнлектән, комиссион магазинға барып, моданан сыҡҡан кейемдәр һатып алып, боҙоп тегә инем. Сығарылыш кисәһенә тәүге костюмымды ла үҙем тегеп кейҙем, - тип көлөп иҫкә ала Роза Сәлих ҡыҙы .
Хәҙер инде ул “Ихлас” сауҙа йортонда ике бүлмәне ҡуртымға алып, эшен киңәйткән. Бер бүлмәһендә төрлө-төрлө сағыу ҡорғандар һәм селтәрҙәр һатһа, икенсе бүлмәлә ҡалған тауарҙарҙан әҙер аш-һыу бүлмәһе селтәрҙәре, ҡорғандар тегәләр, кейемдәрҙе ремонтлайҙар. Был эштә уға Светлана Мырҙабаева һәм Зөлфиә Хәсәнова ярҙам итә. Светлана Өлфәт ҡыҙы һатып алыусыларға селтәрҙәр һәм ҡорғандар һайлап алырға ярҙам итһә, Зөлфиә Вәсим ҡыҙы тегеү эше менән булыша.
“Заман алға киткән һайын беҙҙең эшмәкәрлектә лә яңы алымдар, яңы технологиялар барлыҡҡа килә. Уларҙы үҙ һөнәребеҙҙә ҡулланырға, клиенттарҙы яңынан-яңы өлгөләр менән ҡыуандырырға тырышабыҙ”, – тип ҡорғандар донъяһы менән таныштыра хужабикә.
Төрлө төҫтәге, төрлө туҡымаларҙан тегелгән күҙҙең яуын алырлыҡ ҡорғандар, селтәрҙәр араһынан һәр кем үҙ зауығына, финанс мөмкинлегенә тап килерлек, күңеленә оҡшағанын һайлап заказ бирә ала. Ательеның ассортименты бик бай – туҡымаларҙан тыш, ептәр, таҫмалар, төймәләр, ҡул эштәре менән шөғөлләнеүселәргә күп төрлө кәрәк-яраҡ, фурнитура һәм башҡалар бар.
- Туҡымаларҙы Чебоксарҙан, Мәскәүҙән “Эшлекле линия” транспорт компанияһы аша яҙҙырып алабыҙ. Килгән материалдарҙы Өфөнән барып алабыҙ, ә Һамар өлкәһенән тауарҙы үҙҙәре килтереп биреп китә.
Ҡайһы бер һатып алыусылар интернетта күргән селтәр йәиһә ҡорғандың фотоһүрәтен килтереп күрһәтә. Мин уларҙың һорауы буйынса заказ яһап, нәҡ шундай тауар алып ҡайтырға тырышам. Шәхси клиенттарҙан тыш, төрлө учреждение, ойошмалар менән дә хеҙмәттәшлек алып барабыҙ, - ти Роза Сәлих ҡыҙы.
“Розала” ательеһы йыш ҡына төрлө акциялар үткәреп тора. Шулай, 1 апрелдән 30 апрелгә тиклем барлыҡ тауарҙарға һәм әҙер изделиеларға 15 процент ташлама буласаҡ. Мөмкинлектән файҙаланып ҡалырға ашығығыҙ. Бында шулай уҡ теләгән әйбереңде банк ҡатнашлығынан башҡа бүлеп түләү юлы менән дә һатып алырға мөмкин.
Роза Сәлих ҡыҙы ғаиләһендә лә уңған хужабикә. Төҙөлөштә эшләгән тормош иптәше Марат Йәүҙәт улы менән кирбестән ҙур, иркен йорт һалалар. Улдары Салауат 6-сы класта уҡый, ҡыҙҙары Сафияға - 5 йәш.
“Үҙ эшеңде асыу өсөн иң элек теләк, ныҡышмалылыҡ, тәүәккәллек кәрәк. Бар нимәне атай-әсәйҙән, йәиһә дәүләттән көтөп ултырһаң, бер нимәгә лә ирешеп булмай.
Киләсәктә эшемде тағы ла киңәйтергә теләйем. Был ниәтебеҙ килеп сыҡһа, өҫтәлмә эш урындары ла буласаҡ”, - тине хушлашҡанда Роза Сәлих ҡыҙы.
Афарин, тиергә генә ҡала. Барлыҡ хыялдарығыҙ тормошҡа ашһын.
Һеҙҙе Ҡырмыҫҡалы ауылы “Ихлас” сауҙа йортонда көтөп ҡалабыҙ. Т.: 8-927-63-71-086.
Гөлсәсәк Аласова.
Роза ТАЖЕТДИНОВА фотолары.
Реклама хоҡуғында.
