“Балан байрамы” ағинәйҙәрҙе йыйҙы

Балан – халҡыбыҙҙың хан һыйына торошло ризыҡтарының береһе. Ҡунаҡ табынына ҡаҙылыҡ, ҡымыҙ, ҡорот, бал кеүек ризыҡтар менән бер рәттән ҡуйылырға тейешле аш-һыу һуңғы йылдарҙа онотолоп бара. Халҡыбыҙҙың яратҡан милли ризығын яңынан халыҡҡа ҡайтарыу маҡсатында Стәрлетамаҡ ҡалаһының “Ағинәйҙәр ҡоро” республикала хәҙер бер нисә йыл инде “Балан байрамы” үткәрә.

Сарала Стәрлебаш, Ишембай, Ғафури, Федоровка, Мәләүез, Ауырғазы райондары ағинәйҙәре менән бергә беҙҙең район вәкилдәре лә ҡатнашты. Алайғыр ауылынан Әлфиә Ирмәкова, Олокүлдән Фәймә Сөләймәнова һәм Флүрә Самиҡовалар байрамдан бай тәьҫораттар, дәрт-дарман, рухи көс алып ҡайттылар.
- Быйыл да был байрам бик матур, йәнле үтте. Сара балан тураһында шиғыр, йыр-бейеү менән үрелеп барҙы. Ойоштороусылар һәр кемде ихлас күңел менән ҡолас йәйеп ҡаршы алды. Ҡунаҡтар ҙа буш ҡул менән килмәгәйне – күстәнәстәрен, бүләктәрен, йыр-моңдарын алып килгәндәр. Улар мөнәжәттәр әйтте, башҡарған эштәре тураһында ғорурланып һөйләне, береһенән-береһе ихлас ҡатындар үҙҙәренең яғында ла балан менән бик дуҫ булыуҙарын бәйән итте, тәжрибәләре менән уртаҡлашты.

(Дауамын гәзиттән уҡығыҙ)
Фирүзә РӘХМӘТУЛЛИНА.

Читайте нас

Партнеры