+20 °С
Облачно
Афарин!
15 Марта 2021, 07:22
Пассажирҙар унан ҡәнәғәт
«Башавтотранс» предприятиеһы водителдәре сәфәрҙәренең хәүефһеҙ, уңайлы булыуы өсөн тырышып хеҙмәт итә. Ошо предприятиела яҡташыбыҙ, Атйетәр ауылы егете Айҙар Маҡаев та эшләй.
Айҙар Әсхәт улы «тимер ат»ында Ҡырмыҫҡалы-Өфө юлын көнөнә бер нисә тапҡыр үтә. Йәш егет эшкә иғтибарлы, кешеләргә ихтирамлы булыуы, тәртип яратыуы менән айырылып тора.
Атаһы уны бәләкәйҙән йыш машинаһына ултыртып йөрөтә, рулде лә борғолап ҡарарға бирә. Айҙар үҫә килә күпселек малайҙар кеүек техника менән ныҡ ҡыҙыҡһына, машиналар серенә төшөнөргә теләй. Мәктәптә өлкән кластарҙа ҙур теләк менән уҡып, водитель таныҡлығын ала. Шулай ҙа ҡулына аттестат алғас, яҡшы уҡыған егет Башҡорт дәүләт аграр университетының дәүләт муниципаль идара итеү һәм хоҡуҡ йүнәлеше буйынса уҡырға инә. Ике курстан һуң ул ситтән тороп уҡыуға күсә һәм Язаларҙы үтәү федераль хеҙмәтенә водитель булып урынлаша. 22 йәш тулғас, “Д” категорияһына уҡый һәм Өфө ҡалаһында 51-се маршрут буйынса эш башлай. “Башавтотранс”ҡа яңы автобустар ҡайтҡас, белемле, тәртипле, үҙ эшен яҡшы үтәгән егет Ҡырмыҫҡалы маршрутына күсерелә.
- Юғары уҡыу йортонда белем алһам да, бала саҡтағы хыялымдың тормошҡа ашыуына шатмын. Әлегә үҙемде башҡа өлкәлә күҙ алдына ла килтерә алмайым. Даими ултырып йөрөүсе пассажирҙар менән бер-беребеҙҙе танып торабыҙ. Был автобуста алыштырыусыһыҙ тиерлек эшләйем. 8-10 көн ялһыҙ йөрөгәнем дә бар. Беҙгә тиҙлекте сәғәтенә 90 саҡрымдан арттырырға ярамай, был “Глонас” системаһы аша күҙәтелә. Колонна начальнигы даими рәүештә хәүефһеҙ, тәртипле йөрөү, пассажирҙар менән яҡшы мөғәмәлә итеү мөһимлеге тураһында әңгәмә үткәреп тора. Һауа торошоноң көйһөҙлөгөнә, тығындарға ҡарамай, кешеләрҙе үҙ ваҡытында иҫән-имен алып барып еткерергә тырышам, - ти Айҙар Маҡаев.
Был өлкәлә тик сыҙамдар, сабырҙар, эштәрен теүәл башҡарғандар ғына эшләй алалыр. Шофер булыу рулде борғолау ғына түгел, ул ҙур иғтибарлылыҡ талап иткән ауыр ҙа, яуаплы ла һөнәр. Уны Айҙар яратып башҡара. Был бер ҙә юҡҡа түгелдер. Атаһы ла алған һөнәренә тоғро булып, инде 35 йыл буйы шофер, әлеге көндә ул да “Башавтотранс”та Алайғыр-Атйетәр маршруты буйынса йөрөй. Атаһының бер туған ағаһы ла ошо уҡ предприятиела Боҙаяҙ-Өфө маршруты буйынса автобус йөрөтә икән. Уларҙы Маҡаевтар династияһы тиһәң дә була. “Бала саҡтан атайыма һәм бабайыма ҡарап, күҙем ҡыҙа торғайны. Автобусҡа идара итергә шул саҡтан уҡ хыялландым”, - ти Айҙар.
Йәш кенә көйө инде тәжрибәле водителгә әйләнгән егет иртәнге сәғәт 7-нән сығып китеп, киске 10-сы яртыға тиклем эшләй. Көнө буйы 4 тапҡыр урап, 8 рейс яһарға кәрәк. Үҙенең киләсәген ҡайғыртып, район үҙәгендә ипотекаға фатир ҙа ала.
Эшен еренә еткереп башҡарғас, пассажирҙар ҙа Айҙар Маҡаевтан бик ҡәнәғәт, рәхмәт һүҙҙәрен әйтеп торалар. Был һүҙҙәр егеткә тағы ла яҡшыраҡ йөрөргә көс бирә. Уға бары тик хәүеф-хәтәрһеҙ юлдар теләйбеҙ.
Фәниә Сәлимгәрәева.
Роза Тажетдинова фотоһы.
Атаһы уны бәләкәйҙән йыш машинаһына ултыртып йөрөтә, рулде лә борғолап ҡарарға бирә. Айҙар үҫә килә күпселек малайҙар кеүек техника менән ныҡ ҡыҙыҡһына, машиналар серенә төшөнөргә теләй. Мәктәптә өлкән кластарҙа ҙур теләк менән уҡып, водитель таныҡлығын ала. Шулай ҙа ҡулына аттестат алғас, яҡшы уҡыған егет Башҡорт дәүләт аграр университетының дәүләт муниципаль идара итеү һәм хоҡуҡ йүнәлеше буйынса уҡырға инә. Ике курстан һуң ул ситтән тороп уҡыуға күсә һәм Язаларҙы үтәү федераль хеҙмәтенә водитель булып урынлаша. 22 йәш тулғас, “Д” категорияһына уҡый һәм Өфө ҡалаһында 51-се маршрут буйынса эш башлай. “Башавтотранс”ҡа яңы автобустар ҡайтҡас, белемле, тәртипле, үҙ эшен яҡшы үтәгән егет Ҡырмыҫҡалы маршрутына күсерелә.
- Юғары уҡыу йортонда белем алһам да, бала саҡтағы хыялымдың тормошҡа ашыуына шатмын. Әлегә үҙемде башҡа өлкәлә күҙ алдына ла килтерә алмайым. Даими ултырып йөрөүсе пассажирҙар менән бер-беребеҙҙе танып торабыҙ. Был автобуста алыштырыусыһыҙ тиерлек эшләйем. 8-10 көн ялһыҙ йөрөгәнем дә бар. Беҙгә тиҙлекте сәғәтенә 90 саҡрымдан арттырырға ярамай, был “Глонас” системаһы аша күҙәтелә. Колонна начальнигы даими рәүештә хәүефһеҙ, тәртипле йөрөү, пассажирҙар менән яҡшы мөғәмәлә итеү мөһимлеге тураһында әңгәмә үткәреп тора. Һауа торошоноң көйһөҙлөгөнә, тығындарға ҡарамай, кешеләрҙе үҙ ваҡытында иҫән-имен алып барып еткерергә тырышам, - ти Айҙар Маҡаев.
Был өлкәлә тик сыҙамдар, сабырҙар, эштәрен теүәл башҡарғандар ғына эшләй алалыр. Шофер булыу рулде борғолау ғына түгел, ул ҙур иғтибарлылыҡ талап иткән ауыр ҙа, яуаплы ла һөнәр. Уны Айҙар яратып башҡара. Был бер ҙә юҡҡа түгелдер. Атаһы ла алған һөнәренә тоғро булып, инде 35 йыл буйы шофер, әлеге көндә ул да “Башавтотранс”та Алайғыр-Атйетәр маршруты буйынса йөрөй. Атаһының бер туған ағаһы ла ошо уҡ предприятиела Боҙаяҙ-Өфө маршруты буйынса автобус йөрөтә икән. Уларҙы Маҡаевтар династияһы тиһәң дә була. “Бала саҡтан атайыма һәм бабайыма ҡарап, күҙем ҡыҙа торғайны. Автобусҡа идара итергә шул саҡтан уҡ хыялландым”, - ти Айҙар.
Йәш кенә көйө инде тәжрибәле водителгә әйләнгән егет иртәнге сәғәт 7-нән сығып китеп, киске 10-сы яртыға тиклем эшләй. Көнө буйы 4 тапҡыр урап, 8 рейс яһарға кәрәк. Үҙенең киләсәген ҡайғыртып, район үҙәгендә ипотекаға фатир ҙа ала.
Эшен еренә еткереп башҡарғас, пассажирҙар ҙа Айҙар Маҡаевтан бик ҡәнәғәт, рәхмәт һүҙҙәрен әйтеп торалар. Был һүҙҙәр егеткә тағы ла яҡшыраҡ йөрөргә көс бирә. Уға бары тик хәүеф-хәтәрһеҙ юлдар теләйбеҙ.
Фәниә Сәлимгәрәева.
Роза Тажетдинова фотоһы.
