Тотороҡло тармаҡ эшенә йомғаҡ яһалды

Пайсыларҙың кәңәшмәһе эш­лекле шарттарҙа барҙы. Баш­пот­реб­­союз Советы рәйесе урын­ба­ҫары, Башпотребсоюздың юридик бүлеге начальнигы Ринат Ғайсин, район хакимиәте башлығы Әлфир Сабиров, “Ефремкин” коопера­ти­вы һатыусыһы Гөлнара Курпачева, Ҡамышлы ауыл биләмәһе хаки­миәте башлығы Илгиз Бикҡужин­дар сығыш яһаны.
- Кооператорҙарға көслө кон­ку­ренция шарттарында эшләргә тура килә, сөнки район билә­мә­һендә райпо нөктәләренән тыш, шәхси эшҡыуарҙар ҙа сауҙа итә. Был әленән-әле яңы алымдар эҙләүгә этәргес булып тора. Сауҙа селтәре халыҡты көндәлек кәрәк-яраҡ менән генә тәьмин итеп ҡалмай, ә йылдан-йыл үҫә килгән ихтыяждарын да иҫәпкә ала.
Бигерәк тә, коронавирус пан­де­мияһы сәбәпле, үҙ аллы изо­ляция осоронда бөтә район халҡын хеҙмәтләндергән һатыусыларға ҙур рәхмәт белдерәм, - тине район хакимиәте башлығы Әлфир Са­биров.
Район ҡулланыусылар йәмғиә­те рәйесе Рәүис Хажиев ентекле йомғаҡлау доклады менән сығыш яһаны:
- Сауҙа менән беҙҙә һигеҙ пред­приятие шөғөлләнә: Ҡырмыҫ­ҡалы ҡулланыусылар йәмғиәте, “Ҡырмыҫҡалы икмәк комби­на­ты”, “Радуга”, “Ефремкинское”, “Дуҫлыҡ”, “Сулпан”, Ҡырмыҫ­ҡа­лы-Һәүәләй һәм Ҡырмыҫҡалы-Ефремкин ҡулланыусылар коопе­ративтары.
Тауар әйләнешен арттырыуҙа “Ефремкин” (етәксеһе О.Г. Ва­сильев), “Радуга” ҡулланыусылар коопперативтары (Р.Ш. Шам­ба­зова) тос өлөш индерҙе. 41 миллион һумлыҡ иң ҙур һатыу күләме гаст­роном магазинында булһа, Шай­моратов һәм Сахай магазиндары 13 миллион һумдан ашыу, 4-се Ҡыр­мыҫҡалы магазины 10 миллион һумдан ашыу, Олокүл, Ефремкин, Ҡарлыман, Иҫке Бәпес мага­зин­дары 10 миллион һумға тиклем һатҡан.
Шулай уҡ Башпотребсоюз сис­те­маһында беҙҙең йәмәғәтселек туҡланыуы базаһы иң яҡшыһы тип иҫәпләнә. “Уют” һәм “Урал” за­ман­са кафелары, кондитер цехы, кафетерий, хакимиәт ашханаһы, “Ағиҙел” юл буйы кафеһы, кули­нария магазины уңышлы эшләп килә.

(Дауамын гәзиттән уҡығыҙ)

Гөлсәсәк Аласова.
Автор фотоһы.