Бөтә яңылыҡтар
Афарин!
11 Февраль 2021, 12:40

Матурая Саҡмағош, Благовар, Ҡырмыҫҡалы...

Рәсәй Дәүләт Думаһы депутаты Павел Качкаев Башҡортостанда милли проекттарҙың һәм төҙөкләндереү буйынса республика программаларының үтәлеше менән танышты.Ошо маҡсатта ул Өфө ҡалаһында, Саҡмағош, Благовар һәм Ҡырмыҫҡалы райондарында булып ҡайтты. Сәфәрҙә уны республика Хөкүмәте Премьер-министры урынбаҫары - торлаҡ-коммуналь хужалыҡ министры Борис Беляев менән Башҡортостандың Дәүләт Йыйылышы – Ҡоролтайының Торлаҡ сәйәсәте һәм инфраструктура үҫеше комитеты рәйесе Елена Родина, “Ҡала мөхите” партия проектын Башҡортостанда тормошҡа ашырыу өсөн яуаплы Радий Гәрәев оҙатып йөрөнөләр.

– Былтыр Өфөләге “Тулҡын” паркын реконструкциялауҙың өсөнсө этабы тамамланды, бөгөн дә унда ҡыҙыу эш бара, – тине Павел Качкаев. – Миңә унда халыҡтың спорт менән шөғөлләнеүен күреү бик ҡыуаныслы булды.
Саҡмағош районында делегация “Башҡорт ихаталары” буйынса төҙөкләндерелгән объекттарҙы ҡараны, Благовар районында үҙәк парктың нисек яңыртылыуы менән танышты, Ҡырмыҫҡалы төбәгендәге 11 ихатаның, “Аҡкүл” һәм “Йәштәр” парктарының төҙөкләндерелеүен күрҙе. Борис Беляев билдәләүенсә, төҙөкләндереү эше төрлө райондарҙа төрлөсә башҡарылған, әммә һөҙөмтә һәр ҡайҙа күҙгә күренерлек.


Фото: pravitelstvorb.ru.
Автор: Рәшит Кәлимуллин.
Читайте нас в