«Тамға»ла Гран-приҙы кем яуланы?

Награданы — 300 мең һумлыҡ сертификатты еңеүсегә республиканың мәҙәниәт министры Әминә Шафиҡова тапшырҙы.

“Башҡорт милли костюмы – реконструкция” номинацияһында улус старшинаһы образын кәүҙәләндереү конкурсантҡа еңеү килтерҙе. Милли кейем тарихи өлгөгә нигеҙләнеп тергеҙелгән.

Гран-приҙан тыш, кисәлә 1-се урынға лайыҡ булғандарҙың исемдәре лә билдәле булды. Улар:

“Башҡорт милли костюмы – реконструкция” номинацияһында – Роберт Хәмиҙуллин (Өфө ҡалаһы);

“Башҡорт милли биҙәүестәре” — Рөстәм Дәүләтов (Өфө ҡалаһы);

“Традицион башҡорт костюмы аксессуарҙары” – Гөлдәр Шабиева (Салауат районы);

“Заманса авторлыҡ костюмы” – Роза Юлдашбаева (Өфө ҡалаһы).

Был лауреаттарға 100 мең һумлыҡ сертификаттар тапшырылды.

Фото: “Башҡортостандың мәҙәни донъяһы” порталы.