Бөтә яңылыҡтар
Афарин!
24 Сентябрь 2020, 15:05

“Үлемһеҙ полк” паркында ағастар ултыртылды

Бөгөнгө матур көҙгө көндә Шайморатов ауылы эргәһендәге баҫыуҙа 2 гектар майҙанда 400-ҙән ашыу миләш, акация, барбарис, энәлек, ҡайын үҫентеләре ултыртылды. Был ҙур эш Бөйөк Еңеүҙең 75 йыллығына арнап, “Йәшел Башҡортостан” акцияһы сиктәрендә башҡарылды.

Унда һәр кемдең атаһы, олатаһы, ағай-бабайҙары хөрмәтенә исемләп ағас ултыртыу мөмкинлеге булды. Иң тәүге 1-се һанлы ағас 112-се кавалерия дивизияһы командиры, Рәсәй Геройы Миңлеғәли Шайморатовҡа исемләп ултыртылды.
Был акцияла хәрби комиссариат, полиция, ауыл хакимиәте, ауыл клубы хеҙмәткәрҙәре, “Йәш гвардия”, “Берҙәм Рәсәй”, инвалидтар һәм ветерандар ойошмалары ағзалары ҡатнашты. Шулай уҡ сарала муниципаль район хакимиәте башлығы Әлфир Сабиров, Башҡортостан Республикаһында Бөтә Рәсәй йәмәғәтселек ойошмаһының төбәк бүлексәһе етәксеһе Ришат Аллағужин “Берҙәм Рәсәй” төбәк башҡарма комитеты етәксеһе Рөстәм Әхмәҙинуров, БР Дәүләт Йыйылышы-Ҡоролтай депутаты Юнир Ҡотлоғужин булды.
Өмә аҙағында акцияла ҡатнашыусылар ҡайнар сәй һәм һалдат бутҡаһы менән һыйланды.
Гөлсәсәк Аласова.
Читайте нас в