Бөтә яңылыҡтар
Афарин!
14 Сентябрь 2020, 10:45

Авангард"ты ҡыйраттыҡ!

“Өфө-Арена” спорт һарайына хоккей ҡарарға килгән һәр кешенең температураһын тикшереү, ҡулдарҙы махсус шыйыҡса менән йыуҙырыуҙы бөтәһе лә ғәҙәти тип ҡабул итте.

Бөгөн “Салауат Юлаев” хоккей командаһы үҙ боҙонда Омск ҡалаһының “Авангард”ын ҡабул итте. Беҙ еңдек: иҫәп – 3:2!
Яҡташтарыбыҙ ҡаршы яҡ ҡапҡаһына, уйын башланыуға 23 секунд та үтмәне, шайба индерҙе. Евгений Бирюковҡа “афарин”дан башҡа һүҙ юҡ! Ә тағы ла ике шайбаның хужаһы – Тему Хартикайнен.
Әлбиттә, уйын ҡағиҙәләрен боҙоуҙар ҙа булды, әммә күп түгел.
"Хоккей һағындырған, – ти көйәрмән Сабир Рәжәпов. – Уйындарҙы ҡалдырмаҫҡа тырышам. "Салауат Юлаев" уйынсыларының бөгөнгө уйынынан ҡәнәғәтлек кисерҙем".
Киләһе уйын 15 сентябрҙә Өфөлә үтә, “Салауат Юлаев” командаһы Түбәнге Новгород ҡалаһының “Торпедо”һы менән көс һынашасаҡ.
Автор фотоһы.
Автор: Илдар Акьюлов
Читайте нас в