Еңеүсе ҡыҙ гәзит календарын биҙәйәсәк

Бәйгелә һынау тотор өсөн түбәндәге талаптарҙы үтәү мөһим: милли колоритлы, матур, сифатлы фото­һүрәтегеҙ менән бергә үҙегеҙҙең ҡайһы ҡала, район, төбәктә тыуып үҫеүегеҙ, яратҡан шөғөлөгөҙ, ҡаҙаныштарығыҙ тура­һында хат яҙып ебәрегеҙ.
Беҙҙең электрон адрес:
[email protected]
1-се турҙа һылыуҡайҙар үҙҙәре менән таныштыра.

2-се турға сығыусылар интернет киңлектәрендә тауыш йыясаҡ.

Финалға үтеүселәрҙе абруйлы жюри ағзалары баһалаясаҡ. Интернет киң­лектәрендә иң күп тауыш йыйған ҡыҙ “Интернет һылыуҡайы” номинация­һында билдәләнәсәк.

Конкурсҡа декабрь айында йомғаҡ яһаласаҡ һәм фото­бәйгелә еңеүсе ҡыҙҙың фотоһы гәзит календарын биҙәйәсәк.

* * *

Мин – Өфө һылыуы Илнара Рах­ман­ғолова. 1998 йылда донъяға кил­гәнмен. БДУ-ны тамамлап, ҡулыма диплом алған йәш белгес. Халҡы­быҙ­ҙың тарихы, мәҙәниәте үҙенә йәлеп итә. Уны бар донъяға танытыуҙы үҙемдең төп бурысым һанайым.
Интернет селтәрендә башҡорт платформаһы булдырҙым. Милли кейемдәрҙә башҡорт халҡының асылын сағылдырған видео­яҙмалар төшөрәбеҙ. Эшебеҙҙе донъяның төрлө төбәктәренән миллионға яҡын кеше күҙәтә.

Шулай уҡ “Башмоделс” исемле проектым да уңышлы эшләп килә. Милли кейемдәрҙә фотосессия ойошторам. Киләсәктә үҙемде эшҡыуарлыҡ өлкәһендә һынап ҡарамаҡсымын.

Хыялым – тағы ла ҙурыраҡ уңыш­тарға өлгәшеү, үҙемде төрлө яҡлап үҫтереү.

Автор: Рубриканы Миңлегөл ТӨЛКӨБАЕВА алып бара.