Бала тыуғандың етенсе көнөнә тәүге сәсен алыу сөннәт ғәмәле булып һанала. Шул уҡ ваҡытта динебеҙҙә сәс ауырлығындай көмөш йәки алтынды саҙаҡа итеп, мохтаждарға таратырға ҡушыла.
Билдәле буылыуынса, Мөхәммәт Пәйғәмбәр Хөсәйен улы донъяға килгәс, ҡыҙы Фатимаға балаһының сәсен алғас, алтын һәм көмөштән саҙаҡа таратырға ҡушҡан.
Тағы ла бер ҡыҙыҡлы ваҡиғаға иғтибар итәйек: яңы тыуған баланың сәсен етенсе көнгә алыу һәм саҙаҡа таратыу уның аҡыллы һәм зирәк булыуына килтерә.
Шундай уҡ ғәжәп бер хәл Германияла теркәлгән. Мосолман ғаиләһендә бала тыуғас, етенсе көнгә сәсен алып, саҙаҡа тараталар. Бер нисә көндән сабыйҙы дауаханаға килтергәс, врач ғәжәпләнеп, сәсен алдығыҙмы, әллә ул үҙе шулай тыуҙымы, тип һорай. Әсәһе беҙ алдыҡ, ти. Шунда врач ғәжәпләнеүенең серен аңлата: “50 көн элек беҙҙең ғалимдар бала тыуғандан һуң 40 көн дауамында уның сәсен алһаң, ул уның күҙҙәре яҡшыраҡ күрәсәк, сәстәре ныҡ һәм аҡыллы булып үҫәсәк, бының тағы ла бик күп файҙалы яҡтары бар, тигән һығымтаға килгәйне. Шуның өсөн мин ғәжәпкә ҡалдым, бының хаҡта беҙ 50 көн элек кенә һөйләшкәйнек. Ә һеҙ ҡайҙан белдегеҙ?” - тип һораған.
Баланың әсәһе: “Быны беҙ Пәйғәмбәребеҙ Мөхәммәт саллаллаһү галәйһи вә сәлләмнән белдек”, - тип яуаплаған. Врач быны аңлап бөтмәй һәм: “Ҡалай тиҙ килеп еткән был яңылыҡ һеҙҙең пәйғәмбәргә”, - тип ҡуя.
Әсә кеше уға яуап итеп: “Ул 1400 йыл элек йәшәгән һәм күптән фани донъянан китте”, - тигән. Врач бик ныҡ ғәжәпкә ҡала.