Һин үҙең яҙмышыңдың режиссеры!!!

Һин үҙең яҙмышыңдың Үҙәге. Тотҡаһы. Күсәре. Һин режиссер, сәхнәгә ҡуйыусы, сценарий яҙыусы, декорациялар уйлап табыусы, өҫтәүенә актер һәм тамашасы ла. Үҙең яҙған спектаклдән ләззәт ал. Оҡшамай икән, яңы геройҙар индер, яңы төҫтәр уйлап тап, фонды, декорацияны үҙгәрт, көйҙө алмаштыр, ритмды тиҙләт йәки әкрен ит. Бөтәһе лә үҙеңдән тора. Инде лә оҡшамай икән, яңы сюжет уйла ла, өр-яңы сценарий яҙ. Иң мөһиме - күңелеңә ятһын. Һиңә йәшәргә. Спектакль бөткәнсе... Ахырҙа ҡул сабып алҡышларлыҡ булһын. Үҙеңә.
Г.Монасипова