+27 °С
Облачно
Аңлағанға – ишара
20 Апреля 2021, 04:16
Яңы тыуған сабыйҙың фотоларын ижтимағи селтәргә ҡуйыуҙы, ғөмүмән, наҙанлыҡ тип һанайым
Яңы тыуған сабыйҙың фотоларын ижтимағи селтәргә ҡуйыуҙы, ғөмүмән, наҙанлыҡ тип һанайым. Баланы былай ҙа 40 көн булмайынса ят кешегә «күрһәтмәҫкә ҡушалар. Ғөмүмән, баланыҡын ғына түгел, ғәиләнең, үҙендең фотоңды ла Инстаграмға, „В Контакте“, „Одноклассники“ кеүек социаль селтәрҙәргә сығармаһаң, яҡшыраҡ. Сөнки һин шул рәүешле дошманыңа үҙең юл асырға мөмкинһең.
Бәлки ул һинең тормошоңдо белеп тә бөтөрмәйҙер, ә бында уның асыуын сығара торған фото ҡуйып, һин уны яуызлыҡҡа этәреүең бар. Бары бик яҡын кешеләргә генә фотоларҙы күрһәтергә мөмкин. Булған ниғмәтте кешегә күрһәтеүҙән ҡурҡырға кәрәк, тип яҙа "Бәйләнештә" ге сәхифәһендә Әбйәлили районы хәҙрәте Нәзир Сабитов.
Һеҙ уның фекере менән килешәһегеҙме? Күп ваҡыт шатланыпмы йәиһә маҡтаныпмы ҡуйған фотоһүрәттәр ысынлап та, беҙгә зыян килтереүе мөмкин тип уйлайһығыҙмы? Үҙ фекерҙәр менән уртаҡлашығыҙ.
Гөлсәсәк Аласова.
