Сухомлинский илар ине

Үҙгәртеп ҡороуҙар башланғас, мәға­риф өлкәһендә хеҙмәт тәрбиәһе артҡы план­ға күсеп кенә ҡалманы, уға ҡарата ту­ранан-тура һөжүм башланды. Хәҙер мәк­тәп уҡыусыларына класс иҙәнен йыуырға ярамай, таҡта һөртөргә ярамай, мәктәп яны баҡсаһында эшләргә ярамай һ.б. Шу­лай итеп, үҙебеҙ ҙә һиҙмәҫтән, ауыҙҙ­арына әҙерҙе һалған, өҫтәренә яңынан-яңы ке­йемдәр алып кейҙергән ялҡау, әрәмтамаҡ балалар үҫтерҙек. Ҡул­дарынан ҡыйбатлы телефондар төшмәй. Көндәр буйына шуға ҡаҙалып ул­ты­ра­лар. Бәғзеләре вуз бөтәләр ҙә ни эшләргә теләмәйҙәр, ни эш таба ал­майҙар. Ата-әсә елкәһен кимереп ятыу­сылары ла етерлек. Юғары белем тура­һын­дағы ҡатырға ғына һине уңған, егәрле яһай алмай икән шул. Советтар Со­зының иң арҙаҡлы педагогы, "Йө­рә­гемде балаларға бирәм", "Граж­да­н­дың тыуыуы" китапта­ры­ның авторы, хеҙмәт тәрбиәһе биреү буйынса файҙалы пе­да­гогик хеҙмәттәр яҙған Ва­си­лий Алек­сандрович Сухом­линский был хәл­дәрҙе күрһә, башын тотоп ултырып илар ине. Йөрәге түҙмәй, шартлар ине. Кем­­дәрҙе үҫтерәбеҙ беҙ? Был бит ғаилә ки­ләсәгенә генә түгел, милләт киләсәгенә, дәү­лә­те­беҙ имен­легенә янаған бик ҙур ҡур­ҡыныс.
Ошо турала һеҙ ни уйлайһығыҙ?
Тәлғәт Шаһманов.

фото kykolnik.lj.ru