Даирә
+10 °С
Болотло
Бөтә яңылыҡтар
Аңлағанға – ишара
11 Октябрь 2020, 13:23
Атаһы әрләгәндән һуң сығып киткән
Өйөнән сыҡҡан да билдәһеҙлеккә инеп юғалған... Ошондай хәбәрҙәр менән тулы хәҙер интернет селтәре. Ғәйеп булғандарҙы туғандары ут йотоп, төн йоҡоһон йоҡламай эҙләй, көтә, иҫән-һау ҡайтып инеренә өмөтләнә.
Иглин ҡасабаһында йәшәгән 41 йәшлек Михаил Затягаловты ла ғаиләһе имен килеш табылыр тип ышана. Ирҙең өйөнән 5 октябрҙә сығып киткәнлеген күршеләренең видеокамераһы теркәгән. Ә телефоны, аҡсаһы, асҡыстары аш бүлмәһендәге өҫтәлдә ятып ҡалған. Бер ҙә алыҫҡа юлланғанға оҡшамаған.
"Бөгөн эшкә сығырға тейеш ине, тик бармаған. Уҙған аҙнала көндөҙгө сменала үҙен алмаштырыуҙарын һораған, ә кис эсеп килгән. Быға тиклем ул эшкә яуаплы ҡарай ине. Йәкшәмбе атаһы килгәндә лә өҫтәлендә араҡы шешәләре торған. Быны күреп, атай кеше улын әрләп ташлаған, ә ул өндәшмәй генә тыңлаған. Һәм таң алдынан сығып киткән. Беҙ уны әсәһенең ҡәберенә (дүрт йыл элек рактан үлгән әсәһенең 4 октябрҙә тыуған көнө) киткәндер тип уйланыҡ тәүҙә. Унда ла эҙе лә юҡ.
Яҡындарының һүҙҙәренә ҡарағанда, Михаилдың ҡатыны ла, балалары ла юҡ. Улар - атаһы һәм әсәһе менән бергә - 2016 йылда Вологданан Иглинға күсеп килгәндәр.
Михаилды эҙләп, тимер юл буйҙарын, вокзалдарҙы ҡарап сығалар, уны күреүсе лә табылмаған. Яҡындары әйтеүенсә, элек ир эсмәгән, бындай хәлгә лә тарығаны булмаған.
Билдәләре: буйы 175 см, ҡаҡса буйлы, зәңгәр күҙле. Яҡтыртҡыс таҫма тегелгән ҡара-зәңгәр куртка, ҡара-һоро салбар, ҡара-һоро ботинка кейгән.
Михаил тураһында берәй мәғлүмәт белеүсе булһа, 112 һандарына йәки ирекмәндәргә (88007005452), йә туғандарына (89659334840) шылтыратыуығыҙ һорала.
Фото: "Лиза-Алерт".
Автор: Аклима Гизатуллина.
Читайте нас: