Даирә
-24 °С
Болотло
75 лет Победы
Бөтә яңылыҡтар
Аңлағанға – ишара
27 Август 2020, 00:52

Хәйер һорашып йөрөүе ихтимал, тигәйнеләр

Август баштарында Ҡырғыҙ-Миәкәлә йәшәгән 26 йәшлек Лилиә Ҡулыеваның өйөнән эске кейемдә генә сығып китеп юҡ булғаны тураһында хәбәр ителгәйне.

Туғандары, уның һаулығы менән проблемалар бар, үҙен икенсе кеше тип таныштыра, хәйер һорашып йөрөүе мөмкин, тип иҫкәрткәйне. 25 августа Лилиәне эҙләү тамамланған. Был турала "Лиза-Алерт" ирекмәндәре хәбәр итә, уларҙың һүҙен туғандары ла раҫланы.
Яҡын туғанының һүҙҙәренсә, Лилиәне ауылдан меңәрләгән саҡрым алыҫлыҡта тапҡандар - ҡыҙ Краснодарға тиклем барып еткән: "Кисә беҙгә шылтыратып, туғаныбыҙҙың Краснодарҙа психиатрик дауаханала ятыуы тураһында хәбәр иттеләр. Унда нисек барып сыҡҡандыр - белмәйбеҙ. Дауаханала 11 көн ята икән. Үҙ исемен иҫләмәгәнлектән, ошоға тиклем уның шәхесен асыҡлай алмағандар".
Бәхеткә күрә, ҡыҙ иҫән-һау табылған. Бөгөн әсәһе Лилиәне алып ҡайтырға Краснодарға юлға сыға. Имен-һау әйләнеп ҡайтыуҙарын теләйбеҙ.
Бәхеткә күрә, ҡыҙ иҫән-һау табылған. Бөгөн әсәһе Лилиәне алып ҡайтырға Краснодарға юлға сыға. Имен-һау әйләнеп ҡайтыуҙарын теләйбеҙ.
Фото: Vk.com
Автор: Әҡлимә Ғиззәтуллина.
Читайте нас в