Тыйылған урында һыу инһәң...

Һыу инеү миҙгеле башланып та өлгөрмәне, һыуҙа батыусылар һаны көндән-көн арта. Кисә Күмертау ҡалаһындағы быуала йәнә бер ирҙең ғүмере өҙөлә. Башҡортостан Республикаһы буйынса Ғәҙәттән тыш хәлдәр министрлығының матбуғат хеҙмәтенән хәбәр итеүҙәренсә, 33 йәшлек ир Көйөргәҙе районы Тимербай ауылынан ғаиләһе менән Күмертауға ҡунаҡҡа килгән. Бергәләшеп улар һыу буйына бара.