“Мин аҙаҡҡа тиклем барасаҡмын”

Күптән түгел Башҡортостандың Юғары судының Суд коллегияһы дознаватель ҡыҙҙы көсләүҙә ғәйепләнгән өс полиция хеҙмәткәренә аҡлау ҡарарҙары сығарыуы хаҡында хәбәр иткәйнек.Ҡырмыҫҡалы районы буйынса эске эштәр бүлегенең элекке начальнигы Салауат Ғәлиевте һәм Өфө районы буйынса эске эштәр бүлегенең элекке начальнигы Эдуард Матвеевты тулыһынса аҡлағандар. Быға тиклем улар дөйөм режимлы колонияға ете йылға хөкөм ителгәйне. Өфө районы буйынса эске эштәр бүлегенең миграция мәсьәләләре буйынса бүлек начальнигы Павел Яромчук иһә тәүҙә алты йылға хөкөм ителгән булһа, әле был ваҡытты дүрт йылға тиклем ҡыҫҡартҡандар. Элекке полиция хеҙмәткәрҙәре 2018 йылдың октябрендә ҡулға алынғайны.

Хәҙер иһә шул мәғлүм булды: дознаватель ҡыҙ НТВ каналында сығыш яһаған һәм ваҡиғаның үҙенсәлектәрен һөйләгән. Был программа 6 июндә эфирға сыҡҡан. Әйтеүенсә, ул ҡәһәрле көндә ҡыҙ өс полиция начальнигы янына приказ буйынса килгән. Уны эш машинаһында килтергәндәр.

— Был приказ ине. Беҙҙе институтта етәкселеккә бойһонорға, субординация һаҡларға, хеҙмәти бурысты үтәргә өйрәтәләр. Китерлек мөмкинлек юҡ ине, шуға ла мин уларҙың реакцияһын күҙәттем һәм артабан нимә булырын күҙаллай алманым. Ә мин китәм тигән ваҡытта мине ебәрмәнеләр, - тигән ҡыҙ.

Әйтеүенсә, был ирҙәр ошо ваҡиғаға тиклем дә корпоративта уға иғтибар күрһәткән.

— Эште ҡабаттан ҡарауҙы юллаясаҡмын. Был өсәү енәйәт эшләне – мин һәр ваҡыт был турала әйтәсәкмен. Улар минең башта макияж яһауымды, унан түгелеп илауымды белмәй. Мин аҙаҡҡа тиклем барасаҡмын, - тип элекке дознаватель ҡыҙ исеме өсөн көрәшәсәге хаҡында белдергән.

Фото: НТВ каналы.

Автор: Гүзәлиә Балтабаева.

Читайте нас:

Телефон

8(34765) 2-32-85

Электрон почта

[email protected]

Адресы

РБ Кармаскалинский район, с. Кармаскалы, переулок Речной , 7

Реклама хеҙмәте

83476523285

Редакция

83476523266

Ҡабул итеү бүлмәһе

83476523285

Хеҙмәттәшлек

83476523285

Кадрҙар бүлеге

83476523266